Arbeidstilsynet har særleg fokus på unge arbeidstakarar under tilsyna med varehandel i 2026. FOTO: Arbeidstilsynet.

Arbeidstilsynet fører tilsyn med varehandel

2026-07-12

Arbeidstilsynet held fram med å føre tilsyn med varehandel. Innsatsen skal bidra til å sikre at tilsette får lovlege arbeidsvilkår, og vil særleg rette seg mot arbeidskontraktar og verneombod.

– Unge arbeidstakarar er ei sårbar gruppe som skal vernast ekstra godt i arbeidslivet. Derfor prioriterer vi tilsyn i periodar kor mange har sin første jobb eller jobbar sesongbasert, seier direktør i Arbeidstilsynet, Ingvill Kvernmo.

Varehandelen er ein av Noregs største næringar og sysselset over 360 000 arbeidstakarar. Bransjen har mange unge tilsette, deltidstilsette og sesongarbeidarar. I sommar- og julehandelen blir tilsett det kvart år mange unge arbeidstakarar, noko som gjer desse periodane spesielt aktuelle for tilsyn.

Arbeidskontraktar og verneombod blir prioriterte

Tilsyna vil kontrollere om arbeidstakarane har arbeidsavtalar som oppfyller kravet i loven, og om verksemdene har ei verneombodsordning som er i tråd med regelverket. Det er strenge, men tydelege krav til innhaldet i arbeidskontraktar og alle arbeidsplassar med meir enn fram tilsette skal ha verneombod.

Arbeidstilsynet vil òg rettleie om tema som oppfølging av unge arbeidstakarar, søndagsarbeid, arbeidstid, krav til pausar og pauserom.

Les mer